شه‌وانی بێ تۆیی..!!

ئه‌مشه‌و له‌ که‌ناری بێده‌نگییه‌دا
بێهووده‌ شه‌پۆل ئه‌ده‌م
تا که‌شتی روحم
له‌ئامێزی بێ ئۆقره‌یدا
له‌نگه‌ر بگرێ.

تۆ پێت وتم که‌ یادت کردم گوێ
له‌نه‌غمه‌ی باڵنده‌کان و
ئاوازی ده‌ریا بگره‌
پێت وتم هه‌موو ده‌م
له‌گه‌ڵ کازیوه‌دا هه‌ڵدێم
له‌ نێو هه‌موو باخچه‌یه‌کدا ئه‌روێم
پێت وتم تۆ له‌ کوێ بی من له‌وێم

من له‌م شه‌وه‌بێ تۆییه‌دا
هه‌نگاوده‌نێم
به‌ره‌و دوورگه‌ی چاوه‌کانت دێم
خۆم و وه‌نه‌وز و خولیاکانم
ده‌بینه‌ هیواو حه‌زه‌کانم

به‌تاڵه‌ مووی که‌زیه‌کانته‌وه‌
ئه‌به‌ستمه‌وه‌